Gikuwestiyon ni House impeachment Representative Terry Ridon, ang kapin sa P200,000 nga restaurant bill nga giingong gisingil sa credit card ni Atty. Manases “Mans” Carpio, ang bana ni Bise Presidente Sara Duterte.
Matod ni Ridon, ang maong kantidad magamit unta sa pagpalit og pagkaon alang sa mga residente sa tulo ka barangay.
Gitumbok sa Houseprosecutor nga ang nagkantidad nga P205,000 sa Ginza Inakaya restaurant sa Tokyo, Japan, usa sa mga butang nga gisusi atol sa impeachment trial.
Gipasabot ni Carpio nga gigamit niya ang iyang credit card aron bayran ang pagkaon sa iyang grupo, ug ang gasto gibahin-bahin ra usab nila sa ulahi. Gipahayag usab niya nga walay gigamit nga pondo sa gobyerno.
Matod ni Ridon, mangayo sila og dugang katin-awan gikan sa kampo sa depensa mahitungod niini nga transaksyon ug uban pang mga gasto nga kwestiyonable.
Ang impeachment trial gilaumang magpadayon karong Nobyembre 9, diin magsugod na sa pagpresentar sa ilang mga saksi ang kampo sa depensa.
