Gisugdan na sa gobyerno sa Malaysia ang pagpauli sa gibanabanang 5,000 ka mga asylum seekers gikan sa Myanmar.
Kini nga lakang resulta sa usa ka kontrobersyal nga kasabutan tali sa Malaysia ug sa lider sa militar sa Myanmar nga si Min Aung Hlaing.
Tulo ka barko sa Navy sa Myanmar nga nagdala og 1,476 ka mga tawo nang milarga na gikan sa Malaysia.
Bisan pa sa pag-insistir sa Malaysia nga boluntaryo ang maong pagpauli, gibabagan niini ang United Nations refugee agency sa pagpahigayon og screening o pagsusi sa mga tawo human sila gipang-detain.
Gipasabot ni Malaysian Prime Minister Anwar Ibrahim nga wala siyay laing kapilian gawas sa pagpakigsabot sa Myanmar tungod sa nagkadaghang populasyon sa mga Rohingya Muslim sa nasud.
Kahinumduman nga daghang mga Rohingya Muslim ang mibakwit gikan sa Myanmar human sa operasyon sa militar nga gihulagway sa United Nations isip genocide.
