Wala pa masiguro ni Gilas Pilipinas head coach Tim Cone kon makadula ba si Kai Sotto sa ikalimang window sa FIBA Asian Qualifiers, nga ipahigayon sa Seremban, Malaysia.
Gikatakdang makigsangka ang Gilas batok sa Syria karong Nobyembre 27 ug sa Iran karong Nobyembre 29.
Tumong sa koponan nga makuha ang usa sa walo ka pwesto nga gigahin alang sa Asia ug Oceania para sa FIBA World Cup, nga mahitabo gikan sa Agosto 27 hangtod Setyembre 12.
Sa pagkakaron, ang Gilas anaa sa ikalimang pwesto taliwala sa unom ka koponan sa Group E, diin duha na lang ka qualifying windows ang nahabilin.
Ang Gilas adunay rekord nga upat ka daog ug upat ka pilde (4-4) sa Group E usa ka grupo nga gipangulohan sa Australia, nga nagpabilin nga walay pilde sa ilang walo ka duwa.
Kon makuha sa Gilas ang kadaugan sa duha ka duwa, mosaka ang ilang rekord ngadto sa 6-4 sa dili pa mosulod sa katapusang window nga ipahigayon sa SM Seaside Arena sa Cebu diin gikatakda silang makigsangka batok sa Jordan karong Pebrero 26 ug sa Syria karong Marso 1.
