Namatay ang Mali Defense Minister Sadio Camara sa usa ka giingong suicide truck bombing sa iyang pinuy-anan duol sa kaulohan nga Bamako, taliwala sa kaylap nga koordinado nga mga pag-atake sa tibuok nasud.
Basi sa taho, adunay usa ka sakyanan nga puno sa mga eksplosibo ang nabangga sa pinuy-anan sa opisyal sa Kati, nga gikataho nga gihimo sa mga militanteng grupo nga nalambigit sa al-Qaeda.
Daghang mga miyembro sa iyang pamilya ug uban pang mga sibilyan ang namatay usab sa dihang nahugno ang usa ka bahin sa building, nga nakaapekto sa usa ka duol nga mosque.
Gikumpirma sa media sa estado nga namatay si Camara tungod sa mga samad nga naangkon human giingong nakig-away sa mga mi-atake sa wala pa mamatay sa ospital.
Gawas kang Camara, gipabakwit si junta leader Gen. Assimi Goïta human ang iyang pinuy-anan na usab ang gitarget.
Ang dungan nga mga opensiba nalambigit sa mga grupo sa jihadist nga nalambigit sa al-Qaeda ug Islamic State, ingon man sa separatist group nga Azawad Liberation Front, nga naglihok sa amihanan sa nasud.
Sa samang higayon, gitaho usab nga ang mga Russian mercenaries nga miuban sa militar sa Malian miatras gikan sa daghang mga lugar sa Kidal human sa pipila ka adlaw nga pakig-away, bisan wala pay opisyal nga kumpirmasyon gikan sa Russia.
