Dili na bahin sa federal gambling probe ang beteranong guard nga si Malik Beasley.
Kahinumduman niadtong Hunyo 29, 2025, gisugdan na sa U.S. District Attorney s Office ang imbistigasyon tungod sa giingong pagkalambigit niini sa illegal gambling nga may kalabotan sa NBA games.
Ang maong alegasyon nagsugod niadtong 2023-2024 dihang sakop pa sa Milwaukee Bucks ang beteranong guard.
Matod sa abogado ni Beasley nga si Steve Haney, pipila ka buwan nga gihimo sa DA ang ilang imbestigasyon apan wala makapasaka og kaso ang iyang kliyente.
Dugang pa, ang alegasyon nga dili mosangpot sa pagpasaka og kaso, sumbong, o konbiksyon, kinahanglan nga dili adunay bug-at nga epekto sa bisan kinsa, dili sama sa nahitabo kang Malik.
Siya usab miingon nga ang representante sa Eastern District sa New York nakigsulti sa kampo ni Beasley sa makadaghang higayon, ug walay pagduha-duha.
Samtang, sa samang higayon nga misulod si Beasley sa free-agency, daghang mga team ang giingong nakig-estorya sa iyang kampo, apan nagpabilin ang posibilidad nga mopirma siya og extension sa Detroit.
