TALISAY CITY,CEBU-Padayon pa nga gisuta sa kapulisan ang mga suspect og motibo sa pagpamusil sa usa ka lalaki sa Purol Caimito, Barangay Lagtang Talisay City, Cebu.
Giila sa mga kapulisan ang biktima nga si Erby Linganay, 43-anyos ug lumulopyo sa naasoy nga lugar.
Base sa imbistigasyon sa Talisay Police Station nga gipusil ang biktima sa makadaghang higayon nga ma’oy hinungdan sa iyang kamatayon samtang nagduwa kini og volleyball .
Sa pakighinabi sa Bombo Radyo Cebu News Team kang PLTCOL Wayne Magbanua, ang hepe sa Talisay Police Station, gihulagway niini si Linganay nga buotan ug wala;y rekord sa kapulisan, ingon man nga walay kaaway.
Apan, gibutyag ni Magbanua nga posibleng ang kagubot sulod sa ilang panimalay ang usa sa mga rason sa iyang gidangatan nga kamatayon gumikan mao kini ang nakadawat sa mana o katigayunan gikan sa iyang inahan.
