Manager ni Jed Madela nasagmuyo sa bag-ong kanta sa singer

Nasagmuyo ang manager ni Jed Madela nga si Annie Mercado tungod sa bag-ong kanta nga gipagawas sa iyang talent.

Gitataw ni Annie nga dili sila “dumb” aron dili matino nga sila ang gipunting ni Jed sa iyang bag-ong kanta nga Wish U The Worst.

Matud pa sa manager nga kini nga kanta puno sa negatibo, pagdumot, ug giduyugan sa ka-bitterness, ingon man ang kanunay nga playing victim.

Dugang pa niya nga kinahanglang barogan ni Madela ang kanta nga iyang gihimo ug giimbitar siya nga moadto sa press ug isulti ang tanan ug dili na ipasa ang kanta, aron mahibaw-an usab sa mga tawo ang tinuod nga rason.

Sa pagkakaron, wala pa’y gipagawas nga reaksyon ang singer nga si Jed Madela kalabot sa maong isyu.