CEBU – Nalunod patay ang duha ka managsuon human natikyaob ang gisakyan niining pumpboat nga nahitabo duol sa Sibonga Wharf, Brgy Poblacion Sibonga kagahapong adlawa pasado alas 2:30 sa kahapunon.
Ang managsoon giila nga si Recoy Tanghiyan casipong, lalaki, 19 anyos ug ang manghod niining menor de edad, nga lumulopyo sa Brgy. Kangdampas, Barili Cebu.
Sa gipahigayon nga imbistigasyon sa kapulisan sa sibonga ang mga biktima nagbaksyon sa panimay sa iyaan niini sa Sitio Suba Pandan, Brgy. Poblacion Sibonga dihang nagsakay kinig pumpboat nga gimaneho ra usab sa uyuan niining si Edgar Albiso Taladro.
Dihang duol na unta sila sa Sibonga wharf natikyaob ug kalit ang maong bangka tungod sa kusog nga hapak sa tubig dagat.
Dugang pa niini ang mga biktima dili kamao manglangoy hinungdan sa pagkalunod niini. hinuon ang maong uyuan nanagyo gilayon ug tabang sa sakop Municipality Disaster Risk Reduction Office apan ang maong retrieval operation milanat ug usag tunga sa oras dihang nakuha na kini.
Ang duha ka managsuon gidala gidayon sa tambalanan apan gideklara na kining dead on arrival.
