CEBU – Positibo ang Mandaue City Police Office Investigation Detection Unit nga lig-on ang kaso nga gipasaka batok sa responsable sa pagpatay ug pagtagud-tagod sa biktima nga si Angelie Lopez niadtong nakalabay’ng tuig.
Matod ni City Investigation Detection Unit Chief PLtCol Jose Rovic Villarin, “circumstancial” man ang mga ebedensiya nga nakuha sa otoridad apan malaumon kini nga lig-on ang kaso nga ilang gisang-at batok sa mamumuno.
Samtang basi sa analysis sa otoridad, posible nga gituyo ug bulag ang mga parte sa lawas sa biktima aron ma-mislead ang otoridad samtang posible usab nga gi-usa kini ug labay sa Talamban area ug naanod na sa dapit sa Mandaue City.
Kahinumduman nga Oktubre sa nakalabay’ng tuig nakaplagan sa otoridad ang gitagud-tagod nga lawas sa biktima, apan dili tanang parte niini ang kumpletong nakit-an.
