Nikusog pa ang bagyong ‘Marce’ samtang nipaingon sa kasadpan amihanang kasadpan sa kadagatan sa nasod.
Matod sa PAGASA, anaa sa 415 km ang sentro sa bagyo sa East Northeast sa Echague, Isabela o 395 kilometers sa silangan sa Tuguegarao City, Cagayan.
Ingon man nga gipasaka na ang Tropical Cyclone Wind Signal number 2 sa Santa Ana, ug Gonzaga sa Cagayan.
Samtang gipataas ang Tropical Cyclone Wind Signal number 1 sa mga lugar sa Batanes, ubang bahin sa Cagayan lakip ang Babuyan Island, Ilocos Norte, Ilocos Sur, Apayao, Abra, , Kalinga, Mountain Province, Ifugao,; Mankayan, Buguias, Kabayan, Bakun, Kibungan, Atok, Bokod sa Benguet, Isabela, Nueva Vizcaya,; Quirino, Dilasag, Casiguran, Dinalungan, Dipaculao, Baler, Maria Aurora sa Aurora.
Ang bagyo gipaabot nga mo-landfall sa Babuyan Island o amihanang bahin sa Cagayan sa Huwebes sa hapon o gabii.
Ug sa Biyernes sa gabii, ang Bagyong Marce gilauman nga mogawas sa Philippine Area of Responsibility.
Gitambagan sa PAGASA ang mga residente sa nahisgutang lugar nga mag-amping kanunay ug magpaabot sa kusog nga ulan.
