All eyes karon ang tanan sa boxing ring sa magkasunod nga duwa ni Eumir Marcial nga giingong posibleng dili makaabot sa away niiini sa 2026 Asian Games nga ipahigayon sa Aichi-Nagoya.
Kini human sa pipila ka oras nga crucial pro bout ni Eumir Marcial batok sa Amerikanong si Omar Huerta sa California.
Ang kondisyon sa Tokyo Olympics bronze medalist human sa away batok kang Huerta maoy magdeterminar kon makabiyahe ba siya ug makarepresentar sa Team Philippines sa 80kg class nga magsugod sa Setyembre 23.
Matud sa presidente sa Association of Boxing Alliances of the Philippines nga si Marcus Manalo nga lisod ang maglaom ug naguol sila sa ilang sitwasyon karon.
Dili basta-basta nga kontra si Huerta; kining 30-anyos nga Mexican-American nga knockout artist adunay lig-on nga rekord nga 15-1-1, lakip na ang 13 ka KOs.
Si Marcial, nga wala pa mapildi sa pito ka pro fights, adunay kaugalingong problema nga angay atubangon — ang iyang dali rang ma-injured nga mga kamot.
