Mibalik sa social media ang kanta ni Lyca Gairanod nga “Pwede Nang Mangarap,” kapin usa ka dekada human kini unang gipagawas.
Nag-trending kini pinaagi sa mga mashup, comedy edits, throwback videos ug mga video sa mga artista ug personalidad nga nagsayaw niini.
Misamot usab ang diskusyon sa mga netizens bahin sa kanta ug kang Gairanod, ilabi na human siya mitubag sa usa ka netizen nga nagpahayag og suporta kaniya.
Matud ni Gairanod nga wala na siyay anga’y nga pamatud-an sa uban ug iyang gitrabaho pag-ayo ang iyang career alang sa iyang pamilya.
Nahisgutan usab sa social media ang iyang pag-follow sa pipila ka public officials, nga nahimong hinungdan sa political speculation sa pipila ka netizens.
Apan adunay nagpahinumdom nga ang pag-follow sa usa ka public official sa social media dili awtomatikong nagpasabot og politikal nga suporta o pag-apil.
Nabantog si Gairanod human niya madaog ang unang season sa “The Voice Kids Philippines” niadtong 2014 sa edad nga siyam ka tuig.
