Nangulo si President Ferdinand Marcos Jr. sa hiniusang tigom sa Joint National and Regional Peace and Order Councils (NPOC-RPOC) alang sa ikaduhang semestre sa 2026 aron hisgotan ang mga lakang sa pagmintinar sa kalinaw, kahusay, ug seguridad sa nasud.
Gimandoan sa Presidente ang mga hingtungdang ahensya sa gobyerno ug mga lokal nga panggamhanan nga palig-onon ang seguridad sa mga eskwelahan ug magpatuman og klaro nga mga mekanismo sa pagreport ug pagtubag sa mga insidente sa bullying, kapintasan, ug mga emerhensya.
Gisugyot usab ni Marcos nga tun-an ang mga polisiya sa ubang nasud bahin sa pag-regulate sa paggamit sa social media sa mga batan-on aron matino ang mga pamaagi nga mahimong ikonsiderar sa Pilipinas.
Samtang, gitaho nga mikabat sa 55,375 ka persons deprived of liberty (PDLs) ang gibuhian gikan Enero hangtod Septiyembre 2026 pinaagi sa mga serbisyo sa paralegal.
Gihisgutan usab sa maong tigom ang pagpalig-on sa presensya sa kapulisan sa mga komunidad, pagpadali sa pagtubag sa mga emerhensya, ug pagpauswag sa mga lakang batok sa krimen aron mapanalipdan ang katawhan ug mapadayon ang kalinaw ug kahusay sa nasud.
