Gikatakdang mo-host si Marina Summers sa umaabot nga Miss Universe Philippines coronation night nga ipahigayon sa Mayo 2, alas 7 sa gabii, sa Mall of Asia Arena.
Kahinumduman nga niadtong 2024, si Marina mitungha pag-usab sa entablado sa Miss Universe Philippines isip opening act diin iyang gipasundayag ang “AMAFILIPINA.”
Siya usab ang unang drag queen nga mipasundayag sa entablado sa maong pageant, nga giisip nga usa ka makasaysayanong higayon alang sa kompetisyon.
Si Marina misikat sa unang season sa “Drag Race Philippines,” diin siya ang runner-up. Pagkahuman, iyang girepresentahan ang nasud sa “RuPaul’s Drag Race: UK vs The World” ug nahuman sa ikaupat nga pwesto.
Samtang, ang sunod nga Miss Universe Philippines gilauman nga koronahan sa samang gabii, uban ni Ahtisa Manalo nga mopasa sa korona.
