Posible pang malangan ang pagpatukod sa Cebu City Medical Center gumikan sa mga kakulian nga nahiaguman sa pagsulbad hilabi na sa pagpundo sa maong tambalanan.
Matud pa ni Cebu City Mayor Nestor Archival, nga nalangan kini gumikan sa kakuwang sa pundo ug matud pa sa ka inconsistencies nga gibilin sa miaging administrasyon.
Apan milaum kini nga makompleto ang tambalanan sulod sa iyang termino, dugang usab niini nga ang ka komplikado niini sa pag-audit nagpakita lang sa mga seryoso nga pagkalugi sa kontrata, walay klarong plano, ug nagpatung-patong niini nga mga bayrunon hinungdan nga maglisod kini sa pagpadayun ug patukod nga di mapakyas.
Gipangulohan ang independent review sa 25 ka volunteer engineers ug architects gikan sa professional groups, lakip ang Philippine Institute of Civil Engineers, the United Architects of the Philippines, ug ang Association of Structural Engineers of the Philippines, nakadiskubre sa pipila ka inconsistencies tali sa Project of Work and Estimates (POWE) ug sa mga kontrata nga gihatag ngadto sa lain-laing mga kontraktor.
Nasayran sa pag-audit nga ang pipila ka mga butang nga nahuman na sa una nga mga hugna gilakip gihapon sa ulahi nga mga kontrata, nga posibleng nakamugna sa potensyal nga doble nga mga pagsulod ug kalibog sa accounting.
Mokabat sa ₱403 ka milyon nga kantidad sa mga trabaho gikan sa phase 1 hangtod sa upat ang nanginahanglan rectification, samtang ang ₱648-million Phase 5 nga kontrata sa Dakay Construction nagpabilin nga gi-hold samtang naghulat sa hingpit nga pagrepaso.
Dugang pa Archival nga gilimpyohan na karon sa iyang team ang mga kalapasan nga matud pa angay untang malikayan sa nakalabayng tuig.
Miggahin na ug ₱403 milyones ang siyudad alang sa rectification works ug laing ₱700 milyones alang sa phase four to six, nga nagdala sa gibanabana nga gasto sa pagkompleto ngadto sa ₱1.7 bilyon.
Bisan pa sa mga kakulian, si Archival niingon nga pabilin siyang masaligon nga makompleto ang ospital sa katapusan sa iyang termino.
