CEBU CITY-Gipulong ni Cebu City Mayor Edgardo Labella kaganihang buntag ang tanang mga security head ingun man mga mall owners sa dakbayan sa Sugbo, kauban si Cebu City Police Office Director Police Colonel Gemma Vinluan.
Gimanduan ni Mayor Labella ang mga hingtungdan nga pahugtan ang seguridad sa mga mall ingun man ang uban pang mga business establishment sulod sa dakbayan.
Matud pa nga gikinahanglan ang dugang nga pagpalig-un ug pagpahugot sa mga mall. Gikinahanglan ang dugang nga mga Close Circuit Television (CCTV) ingun man tawu nga mag-monitor sa maong mga camera.
Sigon sa mayor nga dili angayan nga lugakan ang seguridad arun nga dili makahigayon ang mga dautang elemento nga muhimo sa ilahang dautang plano. Giawhag usab ni Mayor Labella ang katawhan nga dili magduha-duha ug report sa mga pulis kung ugaling adunay makita nga tawu nga kadudahan ang lihuk.
Samtang, mipasalig si CCPO Director Police Colonel Gemma Vinluan ug dugang nga police vissibility ug giingung ilahang paningkamutan nga walay dautang elemento nga makahimu ug kadaut sa Sugbo. (SBR, with reports from Bombo Jun Salde)
