CEBU CITY-Gisugat og fireworks display ug presentasyon sa sayaw sa Sinulog ang Opening Ceremonies sa Central Visayas Regional Athletics Association o CVIRAA Meet 2024 nga gipahigayon sa SRP Festival Grounds gahapon, Mayo 4, 2024.
Gisundan ang seremonyas sa parada sa mga atleta sa nagkadaiyang school divisions sa mga syudad ug lalawigan sa Central Visayas.
Mipresentar ang Banauan Cultural Group gikan Brgy. Guadalupe ug Lumad Basakanon gikan sa Brgy. Basak San Nicolas, dakbayan sa Sugbo a ilang mga Sinulog Dance Interpretation.
Sa maong kalihokan nihatag og mensahe si DepEd Undersecretary Atty. Revsee Escobedo ngadto sa mga atleta ug midungag si Mike Gabrielle Dela Cerna isip nangulo sa Oath of Sportsmanship ug si Tomas Pastor, ang Regional Sports Officer alang sa Oath of Coaches ug Technical Officials.
Sa pikas bahin, gikuhaan og komento o reaksyon si Mayor Rama kabahin sa nahimong kalahian nga gipakita sa Cebu City ug matud pa niini nga tungod gihalad kini sa balaang bata nga si Senor Santo Niño.
