Gipaubos na sa State of Emergency ang Mactan-Cebu International Airport (MCIA) subay na sa hulga sa 2019 novel coronavirus acute respiratory disease (2019-nCoV ARD).
Sa memorandum order nga giluwatan sa Mactan-Cebu International Airport Authority (MCIAA), nakalatid niini nga i-takeover ngadto sa maong airport authority ang tanang mga pasilidad sa airport, lakip na ang procurement sa mga gamit nga gikinahanglan.
Kini aron malikayan ang pagkuyanap sa nCoV ARD sa tugpahanan.
Matud ni MCIAA General Manager Atty. Steve Dicdican nga andam nilang hangupon ang mga Pilipino nga mamalik sa nasud gikan sa China ug sa iyang mga administrative regions.
Subay niini, aduna silay na-identify nga holding area alang sa mga Pilipinong byahero sa dili pa kini ipaubos sa quarantine.
Mipasalig si Dicdican nga andam ang MCIAA alang sa ipatumang mga precautionary measures kun ugaling mograbe pa ang sitwasyon subay na sa outbreak sa coronavirus.
