Giklaro sa Metropolitan Cebu Water District, nga ang pagimplemetar sa water rate increase, hingpit nang napatuman sa nakalabay nga buwan sa Oktubre.
Kini human nga misumiter ug resolusyon si Cebu City Councilor Sisinio Andales nga nga naghangyo sa MCWD nga i-dili usa ang pagpataas sa water rate hangtod nga maka-establisar ang mga residente human sa linog.
Gibutyag sa tigpamaba sa MCWD nga si Minerva Gerodias, nga nasugdan na ang pagpatuman sa water-rate increase gumikan kay hingpit nang na-aprobahan sa Local Water Utilities Administration kon LOWA ang resolusyon sa water district.
Gihimug-atan usab sa water district nga 10 na katuig nga wala naka increase ang MCWD gumikan sa mga nakalabay nga panghitabo ug niadtong 2023 pa nila.
Gipasabot sa tigpamaba, nga ang mga water districts adunay katungod nga mosumiter ug request nga mo increase sa buhatan sa LOWA hilabi na ug mo labay ang 5 ka tuig, apan nabalda lang kini sa pagkonsiderar sa Pandemic.
Dugang sa tigpamaba nga hinaot nga makasabot ang katawhan nga ang MCWD usa ka self-liquidating Company ug walay buhis nga gidawat sa katawhan, hinungdan nga ila nang ipatuman ang increase-rate gumikan kay na-aprobahan na ilang request sa nakalabayng buwan Agusto ning kasamtangang tuig.
