CEBU CITY-Gipasalig sa Metropolitan Cebu Water District (MCWD) nga walay pagkuwang sa suplay sa tubig o ‘water shortage’ sa mga gipang-alagarang lugar niini sa Sugbo karong panahon sa ting-init.
Matod pa ni MCWD Corporate Planning Manager John Makabenta mga amg suplay sa tubing sa walo (8) ka mga lungsod ug dakbayan sa ilang coverage area kay nagpabiling stable sukwahi sa nagsingabot sa summer season.
Gani naka-aktibo na ang mga desalination plants niini sa Mambaling, Cebu City; Opao, Mandaue City; ug Cordova isip pagsiguto sa episyente nga supply sa tubig.
Ang water supply composition karon sa MCWD mao ang musunod: 60% groundwater, 20 to 25% brackish water, 15% surface water, samtang ang nahabiling kay gikan na sa mga desalination plants.
Nagserbisyo ang MCWD sa mga lungsod ug dakbayan sa Compostela, Liloan, Consolacion, Mandaue, Cebu City, Talisay, Lapu-Lapu City, ug Cordova diin mubana-bana sa 300,000 cubic meters sa tubig kada adlaw ang magamit.
Gisiguro pud niini sa publiko nga kung adunay scheduled service interruptions kay ipahibalo kini tulo (3) ka adlaw sa dili pa ang pagpatuman.
