Subling nakasinati ang Metro Cebu og ‘very unhealthy’ level gikan sa patas nga ‘air quality’ tungod sa padayon nga pag-usab-usab sa kalidad sa hangin sa palibot taliwala sa gitaho nga haze sa rehiyon.
Diin gahapong adlawa sa hapon, basi sa monitoring sa Sugbo nakatala og Air Quality Index (AQI) nga 154, diin giklasipikar kini nga “Very Unhealthy.”
Ingon man nga sa sayo pa alas 7 sa buntag, ang AQI anaa sa 146, nga giklasipikar nga “Unhealthy for Sensitive Groups.”
Busa, mas gipahugtan pa sa buhatan sa EMB-7 ang ilang pag-monitor sa kalidad sa hangin aron mahibal-an ang presensya, gilapdon, ug potensyal nga epekto sa panglawas sa gitaho nga haze sa tibuok rehiyon.
Ubos sa pinakabag-o nga advisory, ang publiko giawhag nga likayan ang mga lugar nga daghang tawo ang moagi, samtang ang mga tawo nga adunay mga sakit sa kasingkasing o respiratory, lakip ang asthma, gitambagan nga magpabilin sulod sa balay ug mopahulay kutob sa mahimo.
