Hugot nang gi-monitor karon sa Department of Health (DOH)-7 ang matag aktibidad pinasubay sa ilang lakang batok sa 2019 novel coronavirus Acute Respiratory Disease o 2019-nCoV ARD.
Matud ni DOH-7 Director Dr. Jaime Bernadas nga mas gipalig-on na ang ilang pagpakig-alayon ngadto sa mga national government agencies ug mga local government units kalabot niini.
Nag-organize ang matag LGUs og intensified command system aron subayon ug mahatagan og igong pagtagad ang kinsang mataptan sa coronavirus.
Dugang pa ni Bernadas nga nakig-coordinate na ang ahensya sa Bureau of Quarantine alang sa seguridad sa mga entry points sa mga pasahero.
Samtang mipasalig ang DOH-7 nga kanunay silang mohatag og labing uwahing kasayuran kalabot na sa developments sa Wuhan coronavirus matag hapon.
