Nisang-at og counter-affidavit sa Department of Justice ang mga anak sa negosyante ug gaming tycoon nga si Charlie “Atong” Ang, kinsa nalambigit sa mga missing sabungeros.
Sa ilang counter-affidavit, hugot nga gipanghimakak sa mga anak ni Ang ang mga pasangil nga nalambigit sila sa pagkawala sa mga sabungero.
Giinister nila nga walay basehanan ug walay ebidensya ang mga akusasyon nga gipasaka batok kanila sa giingong whistleblower nga si Julie “Dondon” Patidongan.
Matod sa abogado sa managsuon nga si Atty. Lorna Kapunan, napakyas si Patidongan sa pagpresentar og igong pruweba sa mga akusasyon ug ang iyang testimonya dili igo aron makonsiderar nga prima facie nga ebidensya o igong basehanan sa pagpadayon sa kaso.
Ghimug-atan ni Atty. Kapunan nga naningkamot si Patidongan nga ilambigit ang pamilyang Ang ug mga kauban niini aron luwason ang iyang kaugalingon sa kasong kidnapping nga giatubang ni Patidongan sa Manila Regional Trial Court.
Matud pa nila nga si Patidongan maoy tinud-anay nga nalambigit sa kaso, ug ila kining pamatud-an sa nagpadayong pasiunang imbestigasyon sa DOJ.
