Nakatakdang makadawat og cash incentives ang mga Pinoy athletes nga mosalmot sa 2024 Paris Olympics.
Mao kini ang pamahayag ni Philippine Sports Commission (PSC) Chairman Richard Bachmann nga ang maong mga cash incentives madawat sa dili pa hingpit ang kompetisyon.
Dugang niya nga maong mga cash incentives gikan sa mga senador sama nila ni Senador Risa Hontiveros, Senador Bong Go ug uban pa.
Adunay gipirmahan nga tseke nga nagkantidad og P30 milyones si PSC Chairman.
Kahinumduman nga sa pagkakaron adunay 15 ka mga atleta ang motigi sa Paris Olympics nga naglakip sa pole vaulter EJ Obiena; mga gymnast nga sila Carlos Yulo, Aleah Finnegan, Levi Ruivivar, ug Emma Malabuyo; mga boksidor nga sila si Aira Villegas, Nesthy Petecio, Hergie Bacyadan, Eumir Marcial ug Carlo Paalam; tigbugsay nga si Joanie Delgaco; weightlifters Vanessa Sarno, John Ceniza, ug Elreen Ando, ug fencer Sam Catantan.
Nanghinaot si Philippine Olympic Committee president Abraham Tolentino nga madugangan pa ang ihap sa mga atleta nga magtigi.
