CEBU CITY-Duha nalang ang nahabilin sa mga atleta sa Palaro nga nalanding sa tambalanan, kini ang gikumpirmar ni Dr. Peter Mancao, kinsa pangu sa Cebu City Medical Center (CCMC), gahapon Lunes Hulyo 15, 2024.
Ang naasoy nga nahabilin duha ka mga atletang-pasyente kay mao ang nataptan sa sakit nga dengue nga padayon gi-atiman sa tambalanan.
Sa katapusang gikataho kay wala pa misaka ang lebel sa ilang platelets hinungdan nga dili pa kini pwedeng makagawas.
Sa kinatibuk-an, gikan niadtong Hulyo 6 ngadto sa Hulyo 14, niabot na sa 177 ang nadala sa CCMC gikan sa mga delegasyon sa Palaro tungod sa nagkalainlaing mga balatian, hain ang kinadak-an mao ang na-appendicitis ug gioperahan.
Giklaro niya nga wala na nila tugoti nga makaduwa sa Palaro ang mga atleta nga nalandig sa tambalan apan sa sunod tuig nga Palaro, nga himuon didto sa Ilocos Norte, mahimo gihapon silang makaapil.
Una nang giklaro ni Dr. Mancao nga ang na-dengue nga mga atleta daan nang nagpakita og sintomas sa ilang pag-abot, nga nagpasabaot nga dili dinhi sa dakbayan sa Sugbo sila nakakuha sa maong sakit.
