-- ADVERTISEMENT --
CEBU – Gimandoan na ang mga Barangay Health Workers (BHW) sa pagtabang sa ipahigayon nga search and destroy operations batok sa mosquito breeding matag hapon isip bahin sa anti-dengue campaign sa dakbayan sa Sugbo.
Gibutyag ni Dr. Jeffrey Ibones, ang pangulo sa City Health Department nga makigpulong kini sa mga barangay officials arun nga hisgutan ang ilahang anti-dengue operations.
Matud pa, nag-schedule na sila niini kauban usab ang Department of Health (DOH).
Samtang, ang maong mga BHW ang gimandoan usab nga magpahigayon ug information drive sa ilahang tagsa-tagsa ka mga sitio arun sa pagpahinumdom sa mga tigbalay sa ilahang mga responsibilidad sa paglikay sa pagkatap sa makamatay nga dengue.
