Gianunsyo ni US President Donald Trump nga daghan sa nahabilin nga mga hostage sa Gaza nga posibling napatay na. Kini atol sa pakighinabi sa Presidente sa iyang Oval Office, siya niingon nga pipila sa mga hostage tingali namatay bag-o lang, basi sa iyang kasayuran.
Matod niya nga dul-an sa 38 ka mga hostages ang gikahadlokang patay, tanan batan-on ug maanyag nga mga indibidwal.
Bisan pa niini, siya niingon nga ang Amerika nagpadayon sa ilang lawom nga negosasyon sa Hamas, ug gisultihan usab niiini ang Hamas nga buhian ang tanan nga mga hostage apan giingon nga kung dili buhian ang mga hostage, maglisud ug dili maayo ang kahimtang.
Gihimo ni Trump ang pahayag taliwala sa giplano nga bag-ong opensiba sa Israel sa Gaza City. Sa pagkakaron, 47 sa 251 ka mga hostage sa Hamas nga gihuptan sukad nga giatake sa grupo ang Israel niadtong Oktubre 7, 2023, nga nagpabilin sa Gaza.
Bisan pa, sumala sa militar sa Israel, 25 sa nahabilin nga mga hostage ang namatay ug ang mga paningkamot nagpadayon aron madala ang ilang labi sa matag panimalay.
