Nakita sa Presidential Anti-Organized Crime Commission (PAOCC) nga usa sa mga raso sa padayong operasyon sa mga gagmay nga Philippine Offshore Gaming Operations (POGOs) mao ang kapakyas sa pagdakop sa pipila ka mga boss sa POGO nga nagpuyo sulod sa nasud.
Matod ni PAOCC Executive Director Usec. Gilbert Cruz, daghan pa gihapon ang mga players, mga trabahante sa POGO, ug mga bosses sa POGO nga wala pa madakpi hangtod karon, mao nga tingali mao kini ang nag-unang rason nganong ang pipila ka POGO hubs nagpahigayon gihapon og gagmay nga operasyon.
Pipila sa nabantayan sa mga otoridad mao ang mga resort diin nahimutang ang daghang POGO hubs, condo units sa Pasay nga gihimong POGO centers, ug bisan ang underground parking wala na kalikayi.
Ang ubang makita nga rason sa padayong operasyon sa mga POGO mao ang pagkabaton sa maayong tinubdan sa mga ekipo, bisan ang mga armas sama sa pusil nakuha na sa mga operator.
Matod niya nga timailhan kini nga nahibaw-an na usab sa mga operator kung unsa ang giingong mga kahuyang sa mga awtoridad nga nagpahigayon og raid operations.
Dugang pa nga ang POGO hubs aduna usab mga nindot nga sakyanan nga maoy pruweba nga nakadawat sila og taas nga kalidad gikan sa ilang nag-unang tinubdan.
Samtang, mapasalamaton si Cruz nga wala na didto ang pipila sa mga dagkong illegal POGO hubs sa nasud ug padayong mopahigayon og raid aron masubay ang mga small-scale POGO operators nga kasamtangang nagtago-tago.
