Gipadayag ni Ukrainian President Volodymyr Zelensky
nga ang mga Intsik nagtrabaho sa usa ka pabrika sa drone sa Russia, ug gipahayag nga ang Moscow mahimong nakakuha sa teknolohiya sa drone gikan sa China nga wala’y kasayuran o pagtugot sa Beijing.
Sa usa ka press conference sa Kyiv, si Zelensky miingon nga ang Ukraine nag-imbestiga sa posibilidad nga “gikawat” sa Russia ang teknolohiya o nakigsabot sa mga Chinese national nga walay pagtugot sa ilang gobyerno.
Ang maong pamahayag nunot sa iyang kanhing akusasyon nga ang China direktang nanghatag og armas ngadto sa Russia, nga hugot nga gipanghimakak sa Beijing.
Gimandoan usab ni Zelensky ang Security Service of Ukraine (SBU) sa paghatod sa mas detalyadong impormasyon ngadto sa China mahitungod sa pagkalambigit sa mga Chinese national sa drone production site sa Russia.
Kahinumduman nga nagkalawom ang tensiyon tali sa Kyiv ug Beijing, nunot sa mga pasangil sa Ukraine batok sa China, diin matud pa ni Zelensky nga ang Russia giingong nang-recruit ug Chinese citizens pinaagi sa social media aron makig-away sa ilang kiliran.
Ang China mitubag pinaagi sa panawagan sa Ukraine nga hunongon ang paghimo og “iresponsableng mga pahayag” ug gipamatud-an pag-usab ang suporta niini alang sa kalinaw.
Bisan pa, wala’y opisyal nga tubag gikan sa China ug Russia bahin sa labing bag-ong pahayag ni Ukrainian President Volodymyr Zelensky.
