DAVAO CITY-Gilabayan ug gipang-harass sa mga miyembro sa KOJC ang pipila ka mga media sa Davao City.
Gani, gitawag nila og “Bayaran” ang media.
Ang Davao Media usa sa mga nag-cover sa gihimong operasyon sa kapulisan sa pagpangita kang Pastor Apollo Quiboloy sulod sa KOJC Compound, Buhangin, Davao City.
Nanawagan karon ang mga media nga unta dili sila damayon sa maong isyu, sanglit gihimo lamang nila ang ilang trabaho.
Sa pikas bahin, makita sa video ang sakyanan sa PTV, gidukdok ug gilabayan og mineral water sa usa ka miyembro sa KOJC.
Sumala sa mga miyembro sa KOJC nga ang SMNI lamang ang dili Bias ug mao lamang kini ang naghatud og saktong impormasyon.
Tumong lamang sa Davao Media nga maghatud og saktong impormasyon ug balanse nga pagbalita aron ipaabot ngadto sa katawhan.
