Nasagmuyo ang mga survivor ni Jeffrey Epstein human gipagawas sa gobyerno sa Estados Unidos ang kapin sa tulo ka milyon nga mga dokumento nga may kalabotan sa kaso sa namatay nga sex offender.
Matud nila nga ang giingong mga naghimo niini nagpabilin nga nagtago ug protektado, samtang ang impormasyon nga makaila gihapon sa mga biktima.
Giinsistir sa US Department of Justice nga ang White House wala makaimpluwensya sa imbestigasyon ug pagpagawas sa mga dokumento, ug gihimakak usab ni Deputy Attorney General Todd Blanche nga ang sensitibo nga impormasyon gikuha aron mapanalipdan ang Presidente sa US.
Ang mga ngalan sa daghang gamhanang mga tawo makita sa mga dokumento, lakip sila si Trump, Elon Musk, Bill Gates, ug si kanhing U.K. Prince Andrew, bisan wala’y usa kanila ang pormal nga gikasohan kalabot sa krimen.
Sumala ni Blanche, ang tanan nga mga litrato sa mga babaye ug mga batang babaye gi-redact, gawas sa kang Ghislaine Maxwell, ang kanhing uyab ni Epstein nga nakonbikto sa human trafficking ug karon nagserbisyo sa 20 ka tuig nga sentensya sa pagkabilanggo.
Hinungdan nga ang 19 ka mga survivor nanawagan alang sa transparency sa tanang mga file ni Epstein ug gihangyo ang Attorney General nga hisgutan kini sa usa ka hearing sa Kongreso.
Si Epstein, usa ka adunahang financier, namatay sa usa ka prisohan sa New York niadtong 2019 samtang naghulat sa husay sa mga kaso sa sex trafficking sa mga menor de edad.
Ang iyang kamatayon gideklarar nga usa ka paghikog.
Sa miaging mga pagpagawas sa dokumento, ang koneksyon ni Epstein sa mga ehekutibo sa negosyo, mga celebrity, mga akademiko, ug mga politiko, lakip si Trump ug ang kanhi Presidente sa U.S. nga si Bill Clinton, mitumaw.
Walay pormal nga mga kaso nga gisang-at batok sa duha.
Ang bag-ong mga dokumento naglakip usab sa usa ka draft email diin si Epstein nag-alegar nga si Bill Gates adunay mga extramarital affairs—usa ka alegasyon nga gihimakak sa Gates Foundation.
Adunay usab usa ka email exchange gikan sa 2012 diin si Musk giingong nangutana kang Epstein bahin sa “pinaka-wild nga party” sa iyang isla.
