CEBU – Gipahimangnoan ang mga kapulisan sa probinsya sa Sugbo nga dili magpost og mga video sa Tiktok labi na ngadto sa mga mosayaw nga nagsul-ob sa ilang tagsa-tagsa ka uniporme.
Kini ang gibutyag ni Police Colonel Engelbert Soriano, ang provincial director sa Cebu Provincial Police Office (CPPO) nga nihatag na kini og pahimangno ngadto sa iyang ginsakopan nga dili mobuhat sa ingon.
Dugang pa ni Soriano, banda ang anaa sa CPPO og dili dance troupe.
Personal nga nipahibawo ang opisyal nga dili kini uyon sa pagsayaw sa kapulisan sa social media nga nagsul-ob sa ilang mga uniform.
Giklaro man hinuon ni Soriano nga wala gipugngan ang sakop sa kapulisan sa paghimo og mga dance performances apan limitahan lang kini ngadto sa cultural presentation atol sa mga special events ug dili sa social media.
