Mga lamppost sa Osmeña Blvd., gisugdan na og pagpatangtang

CEBU CITY-Gisugdan na og pagtangtang ang mga streetlights nga gitukod sa Cebu Bus Rapid Transit (CBRT) nga habig sa may kadalanan sa Osmeña Blvd niadtong gabii sa adlwang Lunes Hunyo 24, 2024.

Kini maoy nasabutan human sa pakigpulong nga gipatawag ni Cebu City Acting Mayor Raymond Alvin Garcia aron tukion ang kontrobersyal nga Link To Port Feature sa CBRT sa milabay nga semana.

Nagpahigayon og ocular inspection si Garcia kagahapong adlawa sa Lunes sa mga streetlights atbang sa naasoy nga kadalanan.

Giubanan kini ni Cebu City Transportation Office Asst Head Kent Francisco Jongoy og CBRT Project Manager Engr Norvin Ymbong.

Nauyonan atol sa maong ocular inspection ang pagpatangtang sa mga naasoy nga streetlights.