CEBU-Komprehensibo ug makapatagbaw, mao kini ang pamahayag sa pipila ka mga lider sa Sugbo sa ikatulo nga State of Nation Address ni President Ferdinand “Bongbong” Marcos Jr.
Sa pakighinabi sa Bombo Radyo Cebu kang Sixth district Cebu Provincial Board Member Glenn Anthony Soco, gitino niini nga ang SONA karong tuiga kay Comprehensive ug adunay daghang saad.
Gipaabot niini nga makita ang mas malungtarong mga action plan nga gihisgutan sa Presidente, uban ang panghinaot nga mas molambo pa ang ekonomiya ilabina diri sa Sugbo.
Samtang si Cebu City Acting Mayor Raymond Garcia niingon nga natagbaw siya sa mga gihisgutan sa Presidente kabahin sa pagtuki sa daghang mga nagkinahanglan og pagtagad nga isyu.
Ingon man ang positibong pahayag ni Mandaue City Mayor Jonas Cortes, nga realistiko ug lig-on ang nahitabong SONA.
Nipasalig usab og suporta si Lapu-Lapu City Mayor Junard Ahong Chan human kini nalipay nga giatubang ni Marcos ang importanteng isyu sa nasud.
Gani, buhing saksi si Mandaue City Lone District Representative Emmarie “Lolypop” Ouano-Dizon, nga ang SONA 2024, nagpakita og lig-on.
