CENTRAL VISAYAS-Ipaambit sa Commission on Election Central Visayas karong umaabot Oktubre 18 ang listahan sa mga certified candidates nga magpapili sa 2025 midterm elections.
Human kini sa final screening nga gipangunahan sa COMELEC Central Office.
Giabisuhan ang mga buot magpapili nga sulod sa 30 ka adlaw gikan sa ilang pag-file og Certificate of Candidacy kay kinahanglan nila nga ipa-rehistro ang ilang mga facebook pages ug websites nga ilang gamiton sa pagpangkampanya.
Ingon man nga mag-atubang og tukmang silot ang mga kandidato nga dili mosunod sa maong patakaran.
Matud ni Atty. Ferdinand Gujilde, Regional Election Attorney, Comelec 7 nga kon gani wala nila giparehistro ang ilang mga pages kay nagpasabot kini nga ilang gilikayan nga mamonitor ang ilang expenses niini.
Dugang pa nga kung makita kini sa COMELEC sigurado nga lakip kini sa mga paglapas nga angayang tubagon.
Nipahinumduman usab kini ngadto sa mga incumbent nga mga opisyal sa gobyerno nga dili gamiton ang mga programa sa kagamhanan alang sa ilang personal interest.
Hilabi na nga dili kini malikayan tungod kay anaa ka sa gahom ug mahimulos sa maong kahigayunan nga ipasiugda ang imong kandidatura.
