CEBU – Gihangop sa mga magpapatigayon sa Sugbo ang bag-ong pasar nga Sim Card Registration Act human kini nga gipirmahan ni President Ferdinand ‘Bongbong’ Marcos, Jr.
Gibutyag ni Provincial Board Member Glenn Anthony Soco, ang chairman sa Committee on Trade and Commerce, nga ang maong balaud kay makahatag ug duhang kumpyansa sa mga magpapatigayon sa ilahang mga business transactions, diin sagad usab karun kay pinaagi na sa online ug gamit ang ilahang mga cellphones.
Matud pa, daghan na sa mga magpapatigayon ang nabiktima usab sa mga scam hinungdan nga usa ka dakong kalamboan ang pagpasar sa naasoy nga balaud.
Hinuon, wala gisalikway ni Soco nga adunay mga mupadangat sa ilahang ‘concern’ kalabot na sa privacy apan mipasabot kini nga kinahanglan na ang pag-adopt o paghangop sa maong polisiya arun nga malikay sa mga pagpangabuso, scam o pagpangilad ug uban pang mga ‘unwanted activities’.
