CEBU – Makadawat na og P3,000 nga fuel subsidy ang mga mananagat sa dakbayan sa Mandaue gikan sa kagamhanan sa dakbayan.
Kini human ang ordinansa nga gi-author ni city councilor Andreo Icalina, ang chairman sa Committee on Agriculture, napasar sa final reading sa konseho sa dakbayan niadtong Lunes, Agosto 22, 2022.
Matod ni Icalina nga adunay 107 ka mga mangingisda ang narehistro sa buhatan sa agrikultura sa dakbayan, ug mao kini ang mga nanag-iya og mga pumpboat nga de motor.
Dugang pa ni Icalina nga ang mga mananagat nga adunay manual fishing boat mahimo usab nga makadawat og P3,000 tungod kay aduna usab siyay laing gisugyot nga ordinansa alang kanila.
Kung kahinumduman ang subsidy mao ang pagtabang sa mga mangingisda nga makasagubang sa padayon nga pagsaka sa presyo sa lana.
