Giklaro sa Department of Transportation (DOTr) ug Land Transportation Office (LTO) adlawng Biyernes Octobre 10, nga ang mga nanag-iya sa electric vehicles (EVs) ug hybrid electric vehicles (HEVs), dili kinahanglang mokuha og certification gikan sa Department of Energy (DOE) aron makagamit sa ilang mga sakyanan o ma-exempt sa number coding system.
Matod ni Lopez, ang mga dealers ug manufacturers lang ang gimanduan nga makakuha og DOE certification, nagsilbi nga bahin sa “birth certificate” sa sakyanan sa dili pa kini opisyal nga ibaligya o marehistro.
Sigon usab sa mga otoridad nga pipila ka mga salakyanan ang naggamit ug mga green plates bisan dili kini mga modelo sa eletric o hybrid vehicles.
Matud usab sa DOTr nakig-alayon na sila sa LTO sa pagpahigayon og crackdown sa pagbaligya ug paggamit sa peke nga green plates.
