CEBU CITY-Mukabat na sa 6,276 ang kinatibuk-ang ihap sa mga natakdan sa COVID-19 sa tibuok Central Visayas.
Base sa report sa Department of Health (DOH)-7 niadtong Hunyo 20, anaa sa 4,472 ang ihap sa mga active cases samtang 1,668 ang nangaayo ug 136 na ang namatay.
Sa maong ihap, nag-una gihapon ang dakbayan sa Sugbo diin anaa sa 4,797 ang natakdan sa COVID-19, ug gisundan kini sa Mandaue City nga anaa sa 532 ug 261 usab sa Lapu-Lapu City.
Samtang anaa sa 635 ang nagpositibo sa COVID-19 sa Cebu Province, 28 sa Negros Oriental, 23 sa Bohol, ug nagpabiling zero sa Siquijor.
Mitambag ang DOH-7 nga anaron ang kaugalingon ubos sa “new normal” diin daghang mga health protocols ang angayang sundon samtang hinay-hinay pang gilibkas ang community quarantine measures. | GN
