Gi insister ni Senador JV Ejercito nga kinahanglang tangtangon ang mga nagpabug-at sa administrasyong Marcos ug nagwaldas sa pagsalig nga gihatag ni Presidente Ferdinand Marcos Jr.
Ang pamahayag ni Ejercito nahitabo human gimando ni Presidente Marcos ang courtesy resignation sa iyang mga sakop sa gabinete sa tumong nga i-recalibrate ang iyang administrasyon human sa Mayo 2025 nga eleksyon.
Dugang sa senador nga kinahanglang ipadayon sa presidente ang pagpanglimpyo sa iyang gabinete.
Matod niya, panahon na nga pilion ang mga lider nga adunay tinuod nga pagsabot sa kahimtang sa katawhan ug moserbisyo dayon nga aksyon ug dili mga pasangil.
Dugang niya tulo ka tuig na ang milabay ug nangita ang katawhan og tinuod nga resulta ug aksyon.
Iyang gipasabot nga ang mga Pilipino nga nag-antos sa kawad-on ug gigutom dili na makahulat.
Matod niya, panahon na nga hunahunaon kung unsa ang maayo alang sa nasud ug dili ang personal nga interes.(Bombo Irene Ardiente)
