Gilauman pa nga mas modagsa ang mga pasahero karong adlawa sa mga pantalan sa dakbayan sa Sugbo aron mouli sa ilang tagsa-tagsa ka mga probinsya.
Kini aron dungan nga i-selebrar ang Pasko uban sa ilang mga minahal sa kinabuhi.
Ingon man nga pipila sa mga biyahero ang nipadayag nga naglisod sila sa pagkuha og ticket apan taas nga pasensya lang ang ilang gipakita.
Sama nalang ni Jecel Daan, usa sa mga nanghinaot nga makauli gabii apan tungod sa pagdagsa sa mga pasahero, natanggong kini.
Gawas sa mga pantalan, gidumog usab ang Cebu North ug South Bus Terminals diin basi sa datos, ang Cebu North Bus Terminal (CNBT) adunay 6-8,000 daily passengers samtang sa Cebu South Bus Terminal (CSBT) miabot kini sa 12-17,000 ka mga pasahero kada adlaw sukad niadtong Disyembre 19.
Hinuon, nipasalig ang mga nangu sa terminal nga hugot nga seguridad ang ilang gitukod nga giaprobahan sa opisina sa gobyerno sa Kapitolyo sa Sugbo nga maoy gitahasan sa pagpatuman sa “One Entrance, One Exit” policy aron hapsay ang foot traffic, pagpamalit sa ticket, ug health and safety concerns.
Subay niini, subling gihimangnoan ang publiko nga lugwayan pa ang pasensya kung mobyahe pinaagi sa mga bus terminals tungod sa grabeng dagsa sa uban pasahero nga manghimulos sa holiday season nga manguli sa ilang mga probinsya
