-- ADVERTISEMENT --
PARIS-Wala makaikyas ang Paris Olympics nga maapektuhan usab sa nahitabong global outage.
Matod sa mga organizers, apektado ang ilang IT operations nga mao’y nagpaluyo sa accreditation system nga naghatag og badge sa opening ceremony karong Hulyo 26.
Mahimo usab nga malangan ang pag-abot sa mga atleta tungod kay ang nahisgutang outage nakaapekto sa daghang mga tugpahanan sa tibuok kalibutan.
Ingon man nga nagdeploy sila og mga technical team ug gi-activate ang contingency plans aron dili malangan ang ilang operasyon.
Kahinumduman nga giangkon sa Microsoft company nga ilang giayo ang nasangpit nga problema ug bisan ang cybersecurity company nga CrowdStrike mihimo na og lakang aron masulbad ang nasangpit nga problema.
-- ADVERTISEMENT --
