CEBU – Mikabat na sa unom ka pamilya o 38 ka mga indibidwal ang temporaryo nga gihiklin sa evacuation center sa Barangay San Roque, syudad sa Sugbo.
Kini sagad kanila mga ‘stranded’ nga pasahero human nga gikanselar sa Philippine Coast Guard 7 ang byahe sa mga barko.
Usa niini si Celso Vivar, kinsang taga Hilongos, Leyte, nga niadto pa kining Dominggo sa gabii nagpasilong sa gym human nga gipabalik sila dinhi sa Cebu.
Sa pakighinabi sa Bombo News Team, gisaysay ni Vivar, nga hapit na silang mudunggo sa pantalan, sa dihang gipabalik sila sa Cebu gumikan sa kadagko sa balud, butang nga wala na sila’y mahimo inay ang pagtuman sa mando sa mga otoridad.
Hinuon, gitino niini nga wala man kini problema sa evacuation center gumikan kay wala man sila pasagdi ug abunda sila sa pagkaon.
Nanghinaut na lang kini nga mu-maayo na ang lakat sa panahon arun nga maka-uli na sa Leyte.
