CEBU CITY-Gipasuspenso sa Cebu City Council ang kalihokan sa DPWH kalabot sa pagpamutol og punu-an sa kahoy alang sa road widening.
Kini ang gikompirarm ni Atty. Ben Cabredo usa ka environmental lawyer human usab nga siya nakadeliver og speech sa konseho kalabot sa iyang pagkontra niini gumikan kay makaguba man kini sa kinaiyahan.
Tungod niini, girequire na matud pa sa City hall nga mukuha na og permit ang DPWH sa tanan nilang proyekto ug angayan lamang nga consistent kini.
Apan gikwestyon usab ni Cabredo ang administrative order niini ngadto sa CENRO nga tagaan sila og 3 ka adlaw para susihon ang rekisitos sa ‘tree cuting’ kung kini balido ba.
Dason ni Cabredo nga walay mahimo nga desisyon sulod lamang sa tulo ka adlaw.
Una na usab nga gihimug-ata ni Cabredo nga ang nakatakda nga 122 ka kahoy nga putdon sa DPWH ang wala gyud nakababag sa kadalanan.
