CEBU CITY-Subay sa gipahigayon nga blood-letting activity sa Bombo Radyo Philippines Inc. ug Bombo Radyo Philippines nga mao ang “Dugong Bombo: A Little Pain, A life to gain” blood donation program, lakip sa mga misalmot mao ang pipila ka mga sakop sa kapulisan sa Sugbo.
Pipila niini mao ang mga sakop sa Cebu City Police Office (CCPO), Regional Mobile Force Battalion (RMFB-7) Central Visayas, Philippine Navy, ug uban pa.//
Usa na niini mao si S1JO Xerxes Tabla, first class officer sa Philippine Navy, nga usa ka regular blood donor.
Regular nga naga-donar og dugo ang opisyal matag tulo ngadto sa upat ka bulan.
Gibutyag niini nga ang pagdonar og dugo usa ka paagi sa Armed Forces of the Philippines ug ingon man sa Philippine Navy sa pagtabang sa mga katawhan.
Gihatagan usab og gibug-aton ni Tabla ang kamahinungdanon sa pagdonar nga dugo og mao kini ang paghatag og libre dugo sa mga katawhan ilabina kadtong mga nanginahanglan.
Gidugang usab sa opisyal nga buot sa ilahang ahensya nga mamahimong permanteng partner sa mga umaabot nga susamang blood-letting activity sa Bombo Radyo Philippines.
