Gikatingad-an karon ang usa sa mga trending sa China gumikan sa tripping sa mga single nga babaye diin nag-edad og 20 hangtod 25 nga nagpakuha og mga litrato sa maternity nga nagsul-ob og peke nga mga tiyan nga gigama sa silicone.
Nasayran nga ang tumong sa pagkuha og mga maternity photos sa mga babaye kay aron aduna silay mga hulagway diin nagsabak sila nga batan-on, nindot tan-awon, sexy ug “fresh”.
Alang sa kadaghanan, ang mga litrato sa maternity usa ka espesyal nga remembance, mao nga adunay mga kababayen-an nga intsik nga nagplano og pagkuha sa ilang mga litrato samtang fresh pa sila tan-awon.
Gitawag ang trend nga “premade maternity photos” diin nahimong viral human kini gipaambit sa usa ka Gen Z influencer, nga si Meizi Gege gikan sa Hunan China.
Ang peke nga silicone bellies dili bag-o sa China inay una kining nahimong popular isip costume sa mga pranks ug jokes kapin sa usa ka dekada na ang milabay.
Taliwa sa pagkapopular niini nga uso kay gikabalak-an usab kini s pipila ka mga sector, apan bisan pa sa kontrobersiya, ang premade maternity nga mga litrato padayon nga natagamtaman isip kabahin sa nagkadako nga kultura sa pagdayeg sa imahe ug sa “social media-worthy”.
