Migawas sa findings sa Australian authorities nga ang mga suspek sa Bondi beach massacre niadtong Disyembre 14, 2025, nga nakapatay og 15 ka tawo ug nakaangol og dosena, wala magbansay sa Pilipinas.
Gikumpirmar ug gidawat sa Department of Foreign Affairs (DFA) ang impormasyon gikan sa Australian Federal Police Commissioner nga si Krissy Barrett.
Sumala sa opisyal sa Australia, walay ebidensya nga nagpakita nga ang mga suspek nakadawat og pagbansay atol sa ilang pagpuyo sa nasud gikan sa Nobyembre 1 hangtod 29 sa miaging tuig o gipailalom sa logistical preparation alang sa ilang gihimo nga krimen.
Gidugang usab sa Australian Federal Police Commissioner nga walay ebidensya nga nagpakita nga ang mga suspek mga miyembro sa usa ka dako nga teroristang grupo o gisugo sa uban sa paghimo sa pag-atake, bisan pa nga gipunting sa DFA nga ang maong pagtimbang-timbang pa sa nagpadayon nga mga imbestigasyon.
Samtang, giila sa Australian Federal Police Commissioner ang paspas nga pagtubag ug epektibo nga kooperasyon sa mga awtoridad sa Pilipinas.
Gihatagan usab niya og gibug-aton ang kooperasyon tali sa Australian Federal Police ug sa Philippine National Police sulod sa daghang mga dekada aron masumpo ang terorismo.
