CEBU CITY-Nagpabiling naka-“Code White” ang status sa tanang mga tambalanan o ospital sa tibuok lalawigan sa Sugbo isip pagpangandam sa tanang emerhensiyang medikal karong holiday season.
Mas gipalig-on kini nunot sa nagsingabot nga Bag-ong Tuig diin tradisyon ang pagpabuto sa mga firecrackers/fireworks ug mga medical emergencies sa panglawas sa mga kinaon sa gipanghikay nga pagkaon sa Media Noche.
Sumala pa Department of Health (DOH) nga mipasabot kini nga dili kini angay nga ikaalarma apan nagpasabot lang kini nga andam na ang tanang doktor ug nurses sa pagtubag sa mga emerhensya nga mulangtod sa Enero 6, 2025.
Sa higayong ipaubos sa ‘Code White Alert’ ang mga tambalan kay gikinahanglan nga ang tanang healthcare workers sama sa mga surgeons, anesthesiologist, nurses, ug uban pa nga nadestino sa mga ospital bnga andam motubag sa mga medikal nga emerhensya bisan unsang orasa.
Gilangkoban sab kini sa Operations Center (OPCEN) sa mga ospital aron makig-alayon sa mga emerhensya sa buhatan sa DOH ma-regional man o central office.
Subay niini giawhag sa DOH ang publiko nga mas maayong mogamit og mga butang nga makalikay sa disgrasya sama sa torotot ug ubang pang saba-saba sugat sa Bag-ong Tuig.
