CEBU – Simple but meaningful, kini ang tataw ni DepEd 7 Director Salustiano Jimenez kabahin sa mga Christmas party sulod sa mga tunghaan, pampubliko ug pribado, apan kini dapat boluntaryo lamang.
Matud pa ni DepEd 7 Director Salustiano Jimenez nga hatagan nila og full discretion ang mga tunghaan kon gusto nilang mag-organisar og Christmas parties.
Gipahinumdoman ni Jimenez ang mga tunghaan nga mipili sa pagpahigayon og Christmas parties nga mosunod sa saktong guidelines, ilabina sa health protocols, sama sa proper distancing, paghugas sa kamot, ug sanitizing, ug uban pa.
Sa sayo pa, gisubli sa DepEd Central Office sa Manila nga walay involuntary solicitation ang kinahanglan ipahigayon alang sa pag-organisar sa mga school Christmas parties, tungod kay nagpagawas kini og bag-ong order setting guidelines alang sa pag-obserbar sa sektor sa umaabot nga holiday season.
