CEBU CITY-Gibutyag ni Cebu Provincial Governor Gwendolyn Garcia nga lakip ang mga indibidwal nga anaa sa sector nga makonsiderang dili kabos apan apektado usab karong panahuna gumikan sa coronavirus disease (COVID-19) crisis ang makadawat og tabang gikan sa gobyerno.
Gipangita-an na og pa-agi sa Provincial Government ang paghatag og tabang sa mga dili tantong kabos kun mga ‘middle class’ apan apektado ang ekonomiya og pangita gumikan sa gi-atubang nga krisis.
Gisalig niini sa local government units (LGU’s) ang pagsuta sa sector nga anaa sa arang-arangan apan naglisod karong panahuna gumikan sa krisis nga gi-atubang.
Gi-awhag usab sa gobernadora ang publiko nga di magpakawala sa pagla-um sanglit dako kaayo ang tsansa nga malagpasan lang ang kalisod nga gi-atubang sa tanan gumikan sa makamatay’ng virus.
Lakip usab sa gihimug-atan niini ang kaayo sa labaw’ng makagagahum nga kanuna’yng naghatag og paglaum sa tanan. |GBS
